0
30
نصائح زواجية1: أنت في بداية حياتك منتظر زوجة شبيهة بأمك.. بتضحي عشانك و سعادتها في رضاك بتعمل 3 وجبات في اليوم و بتطبخ بنفسها و بتنظف البيت بنفسها ..الخ .. و هي كمان منتظرة واحد زي والدها يعني هي في قمة أولوياته لو عايزة حاجه هو المسئول يخاف عليها و يتحمل مسئوليتها بصدر رحب و يسعد بتلبية طلباتها و ينفق عليها بسخاء.
لما اتجوزتم انت لقيت واحدة مش شايفة أن حياتها ممكن تدور في فلك الطبيخ و التنظيف وأن تبقى متعتها الوحيدة هي أنك تكون راضي.
و هي لقيت واحد بيقول لها أنا عايز العربية النهاردة اتصرفي و أنا مالي .. طلباتك تجيبيها من مرتبك و تربية الأولاد مسئوليتك .
لو عجباكم الحياة دي انتوا مش محتاجين نصايح و لا مساعدة ..أما لو مش عاجباكم يبقى لازم تعرفوا انتوا الاتنين أن :”قبل الأخذ لازم نفكر في العطاء ” و أن طبيعة العلاقة بين زوجين تختلف تماما عن طبيعة العلاقة بين الأب و الأم و الأبناء .
أدعوكم أنكم تراجعوا نفسكم و قبل ما تفكروا عايزين ايه من بعض فكروا هتدوا ايه لبعض ..بس طبعا لازم يكون عطاء مناسب لشخصية كل واحد فيكم .. و ده بقى هنقول فيه كلام كتير بعدين.
الخلاصة : مفتاح السعادة الزوجية انك “تعطي “.. و مفتاح جهنم الزواج مرسوم عليه شعار ” الأنا“.
دمتم سعداء محبوبين
هويدا الدمرداش
مستشارة العلاقات الأسرية و مؤسسة علاقات البنج بونج
https://www.facebook.com/Mrs.Howayda
https://www.facebook.com/Parenting.with.Howayda
https://www.facebook.com/Mrs.Howayda.shabab
مروة
حقائق واقعة فعلا للأسف و اللي بيفكر في الحال ده قليلين
و غالبا لو حد فكر يغير ده بيكون رد الناس ما الكل عايش كده
انا بقى مش عايزه اعيش كده : )