…………..

الستات لما تكون تعبانة وخاصة الزوجات… عادى…بتطبخ و تغسل المواعين “اللى هيا مابتخلصش” وتغسل وكل حاجه وممكن كمان تروح تمارين وتودى الأولاد لدكاترة و و و… هل الراجل يقدر يستحمل ده؟ … الإجابة فى الغالب لا, بس ياجماعة مش لإنه ضعيف أو بيدلع … لا سبحان الله هو ربنا خلقه كده! قدرته على تحمل أشياء يمكن أصعب من كده لكن أنه يبقى مريض ويروح الشغل مثلا لا مستحيل! كذلك المرأة ربنا جعل لها قوة احتمال من ولادة و رضاعة وآلام تانية كتير لكن فكرى معايا كده … الراجل ملزم كل يوم يروح الشغل ويصحى بدرى وحتى لو غاب بيبقى ضميره واجعه…

[اقرئي أيضا: 8 نصائح لزواج سعيد]

[اقرئي أيضا: أيها الزوج أتعلم من أنا؟]

أنا بس عايزه أقول للأزواج حاجة بلاش الزوج يقول لمرأته بطلى دلع أنا أقدر أعمل أى حاجة أنتى بتعمليها… لا معلش انت متقدرش! ليه؟؟ لإن ربنا خلق الانثى بهرمونات ووظائف و أعضاء مش عندك يعنى أنت لا يمكن تحس بألم الحمل والولادة والرضاعة مثلا!

وأيتها الزوجه مش معقول كل لما جوزك يجى من الشغل تقوليله: هو أنت بتعمل إيه غير أنك بتروح الشغل؟!… اه ما أنا ممكن اشتغل وبالفعل فى نساء بتشتغل, بس فى أشياء الرجال بتعملها صعبة علينا…. كفاية إن طول عمره هيفضل كل يوم يروح الشغل والمجهود الذهنى والزحمة و و و… و طبعا فى الآخر لكل قاعدة شواذ…

حولوا كلامكوا لبعض من تثبيط الى تحفيز زي:

كتر خيرك…ربنا يعينك… ربنا يقويكى… أنتى بطلة… و هكذا.

أماني منجد

إستشاري أسري