قبل أن ينتهي شعبان…كبسولة إيمانية

share000

أظن ان كلنا محتاجين رمضان أوي السنه دي .. كلنا في ابتلاءات .. و نفسنا في سجده تطبطب علينا .. ودمعة توبة ساخنة تمحو ذنوبنا .. تعالوا نحط ادينا في ايد بعض ونساعد بعض عشان نجهز قلوبنا لرمضان .. مش هينفع نبدأ بأي نوافل غير لما نصلح الفرائض الأول .. تخيل أن حد مستلف منك 5000 جنية و عمال يجبلك في بونبون و شوكلاته كل اليوم ومش بيفكر أصلا في الدين .. هتبقى مبسوط منه؟؟

• أولاً إصلاح الفرائض:

الصلاه: ايه اللي مخلينا ننقر الصلاه و متسربعين فيها بالمنظر ده؟

1. عدم معرفة الله كما ينبغي
2. عدم التحضير للصلاه
3. كثرة الشواغل حولك وقت دخولك في الصلاه

العلاج:

1. معرفة اسم الله العظيم لكثرة استخدامه أثناء الصلاة
2. التحضير الجيد للصلاه و ذلك ابتداء بترديد الآذان ثم الدعاء بين الآذان.
3. استشعار معاني الوضوء عن أبي هريرة – رضي الله عنه – أن رسول الله – صلى الله عليه وسلم – قال: «إذا توضأ العبد المسلم – أو المؤمن – فغسل وجهه، خرج من وجهه كل خطيئة نظر إليها بعينيه مع الماء، أو مع آخر قطر الماء، فإذا غسل يديه، خرج من يديه كل خطيئة كان بطشتها يداه مع الماء، أو مع آخر قطر الماء، فإذا غسل رجليه، خرجت كل خطيئة مشتها رجلاه مع الماء، أو مع آخر قطر الماء، حتى يخرج نقيا من الذنوب» . رواه مسلم.
4. استشعار كل حركه في الصلاه من تكبيرة الإحرام إلى التسليم.
5. وأخيرا قطع كل الشواغل من حولك قبل الدخول في الصلاه .. يحبذا لو حفظت جديدا و قرأت به في الصلاه فذلك أدعى للخشوع.

• ثانيا بر الوالدين وإصلاح صلة الرحم:

الخلافات السياسيه قست قلوبنا على بعض أوي و أصبح تقريبا في كل بيت في فجوة بين الأهل و بعضهم. حاولي تأتي بأقل واجب علبك اتجاه أهلك و تذكري قول النبي صلي الله عليه و سلم : ((الرحم معلقة بالعرش تقول : من وصلني وصله الله،ومن قطعني قطعه الله)) رواه البخاري و مسلم. و كمان قول النبي صلي الله عليه و سلم: ((من سرهُ أن يبسط له في رزقه ، ويُنسأ له في أثرة فليصل رحمه)) رواه البخاري و مسلم و معني الحديث : من أحب أن يبسط له في رزقه فيكثر ويوسع عليه ويبارك له فيه ، أو أحب أن يؤخر له في عمره فيطول : فليصل رحمهوكل واحد يقدر يحدد يصل رحمه ازاي .. بزياره .. بمكالمة تليفون .. بهدية .. المهم تعملي اي خطوة منهم لإستنزال رحمة الله عزوجل قبل دخول الشهر الكريم.

• ثالثا: حسن التبعل: بلاش التكشيره الوحشه دي .. و بلاش تلقيح الكلام 24 ساعه على انه مش مهتم ومش بيقول كلام حب و مقصر في واجبته .. و بلاش تشتكيه لخلق ربنا كله .. أنا عارفه انك تمسكي نفسك ده صعب .. بس حاولي بس الشهريين دوول بنية ان ربنا يشفي قلبك و لا يجعل في قلبك غل اتجاهه أقولك على حاجه حلوة اوي: أول ما تحسي انك جايبه آخرك منه .. قومي اتوضي بنية قهر الشيطان و اطفاء ناره .. وقومي صلي ركعتين قضاء حاجه بنية ان ربنا يصلح ما بينك و بينه .. واشتكي لربنا و قولي كل اللي نفسك فيه ما انتي جربتي تشتكي للخلق .. في حاجه اتغيرت؟؟ جربي بقى تشتكي لربنا .. واستعيني به صح .. وهتشوفي النتيجة بإذن الله قال: قال رسول الله صلى الله عليه وسلم: ((إذا صلت المرأة خمسها وصامت شهرها وحفظت فرجها وأطاعت زوجها قيل لها ادخلي الجنة من أي أبواب الجنة شئت))صححه الألباني.

[ إقرئي أيضا : أفكار عملية للأستعداد لرمضان ]

[ إقرئي أيضا : أوكازيون!! أوكازيون ]

[ إقرئي أيضا : القرآن و أعمالك اليومية ]

فريق عمل مج لاتيه