ربما تسأل أبنائك كل يوم بعد المدرسة السؤال المكرر المقرر “عملتوا ايه انهاردة في المدرسة؟” ولكن بلا جدوي فدائما ما تكون الإجابة ب “الحمد لله” أو “كويس” وينتهي الأمر عند هذا… ولكن هل هذه هي الإجابات التي تحتاج الي سماعها؟ بالطبع لا.. إذا كيف تسأل ابنائك كيف كان يومهم في المدرسة بدون أن تسألهم “عملتوا ايه انهاردة في المدرسة؟”…لا تقلق فقد قام أحد الآباء بهذه المهة لك! فقد قام بإعداد قائمة من الأسئلة التي ستساعده في معرفة كيف كان يوم أبنائه في المدرسة والتي فتحت بعض الحوارات اللطيفة مع أبنائه أيضا… 24 سؤالا بدلا من “عملتوا ايه انهاردة في المدرسة؟”

 

1. ايه أحسن حاجة حصلت أنهاردة (وإيه أوحش حاجة)؟ أو إيه الي عجبك أنهاردة في المدرسة (وإيه الي معجبكش؟).
2. قولي حاجة ضحكت أنهاردة في المدرسة.
3. لو المدرسة قالتلك اختار تقعد جنب مين في الفصل…هتختار مين؟ (ومين الي مش عاوز تقعد جنبه).
4. إيه أكتر مكان بتحبه في المدرسة؟
5. إيه أغرب حاجة سمعتها أنهاردة؟
6. لو اتصلت بالمدرسة بتاعتك أنهاردة, هتقولي إيه عليك؟ : )
7. في حد ساعدته أنهاردة؟
8. في حد ساعدك أنهاردة؟
9. قولي حاجة أتعلمتها أنهاردة.
10. أمتي كان أكتر وقت كنت مبسوط أنهاردة؟
11. نفسك تلعب مع مين في الفسحة وملعبتش معاه قبل كدة؟
12. قولي حاجة حلوة حصلت أنهاردة.
13. إيه أكتر حاجة المدرسة بتاعتك قالتها أنهاردة؟
14. إيه الحاجة الي نفسك تعملها كتير في المدرسة (الفسحة…لعب…تلوين….الخ) ؟
15. إيه الحاجة الي مش عاوز أو مش بتحب تعملها في المدرسة؟
16. مين الفصل حاسس أنه المفروض تبقي طيب معاه؟
17. بتلعب إيه (أو فين) وقت الفسحة؟
18. مين أكتر حد بيضحك في الفصل؟ (وليه؟)
19. إيه أكتر حاجة عجبتك  في أكلك أنهاردة؟
20. لو أنت كبرت وبقيت مدرس, هتعمل إيه؟
21. مين معاك في الفصل وحاسس أنه المفروض يتعاقب؟
22. تحب تبدل مكانك مع مين في الفصل؟ (و ليه؟)
23. قولي 3 حاجات كتبتها أنهاردة في المدرسة (أو رسمتها أو استخدمت القلم فيها).
24. أمتي كنت حاسس أنك زهقان أنهاردة في المدرسة؟

 

هذه الأسئلة ستساعدك بالتأكيد علي فهم ما يمر به طفلك خلال اليوم واحتياجاته النفسية وطريقة تفكيرة وربما تكتشف مميزات في شخصيته فتحاول تنميتها أو عيوبا فتحاول معالجتها, فلا تترك أنشغالك أنت أو زوجتك بأعمالكم يمنعك من فتح حوار صغير مع طفلك…

 

فريق عمل مج لاتيه

 

المقال مبني بالأساس علي مقال الهافنجتون بوست: 25 Ways to Ask Your Kids ‘So How Was School Today?’ Without Asking Them ‘So How Was School Today?

 

photo credit: Bigstock